CMS de SmartPromo

O CMS de SmartPromo está deseñado con tecnoloxías responsive, o que vos permite xestionar o contido da vosa aplicación dende calquera dispositivo: ordenador de sobremesa, portátil, tablet, smartphone...

Configura a cor principal e a icona da aplicación, para adaptalo á vosa imaxe corporativa. Introduce unha descrición para a aplicación, categoría, etc. Vós decidides como queredes aparecer no App Store e en Google Play.

Configura a app para que estea dispoñible en múltiples idiomas. Os vosos usuarios ven a app no idioma dos seus dispositivos, e tamén poden seleccionalo manualmente. Se deixades algún contido sen traducir, podes establecer o idioma que se usará por defecto.

Engade todos os vosos negocios asociados nun só paso a partires dun arquivo CSV. O CMS de SmartPromo proporciónache unha plantilla para cubrir coa información dos asociados, e encárgase de crear as categorías e os negocios na app por ti.

Organízaos en distintas categorías: restaurantes italianos, hoteis, cociña mediterránea, cafeterías, pubs... Podes crear tantas como desexes, e seleccionar unha icona representativa para cada unha delas.

Para xestionar máis axilmente o contido da vosa app, podes designar un administrador para cada negocio e distribuir a xestión entre os distintos asociados, mantendo ti sempre o control e a supervisión como administrador xeral. Deste xeito, o reponsable de cada establecemento pode xestionar o seu espazo na aplicación engadindo fotos, eventos ou enviando notificacións, consultar as estatísticas de uso relacionadas co seu negocio, e moito máis.

Cada asociado, ao crear un evento, pode engadir información como título, descrición, datas de inicio e fin, prezo ou unha imaxe promocional. Así facilítase que os usuarios atopen os vosos eventos, se apunten a eles e os compartan.

Podedes crear os eventos que queirades. Algúns exemplos de eventos son concertos, conferencias, charlas ou exposicións, e tamén promocións, ofertas ou noticias.

O CMS de SmartPromo vos permite moderar o contido que engaden os vosos usuarios. Podedes deshabilitar calquera elemento en calquera momento para que non se vexa na aplicación móbil. Incluso podes bloquear a un usuario se o seu comportamento non é axeitado.

Os vosos usuarios poden interactuar coa app de múltiples formas, e unha delas é a través do envío de reports. Estes informes serven para avisarvos sobre algún incidente co contido da aplicación, como datos errados, fotos ou valoracións con contido inapropiado, ou usuarios con comportamento inadecuado.

Cada asociado pode programar, en tan só uns segundos, avisos puntuais aos usuarios en forma de notificacións PUSH ligadas ao seu negocio ou a un dos seus eventos para un intre particular, e así manter aos vosos clientes ao día da vosa actividade.

E podedes enviar todas as notificacións que queirades sen ningún custo adicional!

O CMS contén paneis de Axuda en múltiples seccións, nos que se explica detalladamente como realizar as tarefas máis comúns.

SmartPromo é unha plataforma promocional completa, e inclúe un amplo abano de estatísticas do uso que os usuarios fan da vosa aplicación, dende gráficos configurables ​​ata táboas completas. Poderedes coñecer mellor as preferencias e patróns de comportamento dos vosos clientes; por exemplo, poderedes ver cando prefiren interactuar con ela, ou cales son as categorías, negocios e eventos máis populares, e así planificar mellor a vosa actividade.